又係時候向大家報告一下我嘅箍牙情況！仲有一個月，我嘅隱適美透明牙箍就陪左我一年啦，生活已經習慣有佢嘅存在，冇左佢仲會唔舒服添
之前因為自己唔乖成日除低牙箍戴唔足時間，令到牙箍開始同牙齒唔貼服，距離目標進度唔理想，比陳醫生警告，如果再唔乖就有機會要係美國隱適美總公司果邊重新訂造過啲牙箍，聽完我就好驚啦><因為我想快啲箍完呀，所以後來我就知驚，每日都有乖戴返足22小時，宜家個牙箍已經貼返晒牙齒趕上進度啦！唔信你睇下！貼到連帶左牙箍都唔多覺呀，我會繼續比心機，每日帶足22小時啦!
仲有提返大家，因為我剝左牙嘅關係，牙縫就會比較大，為左保持牙齒清潔，我每日都會用牙線棒，防止蛀牙，細細支即棄，好方便衛生!
