【箍牙日記】

帶左成年牙箍都有啲心得可以同大家分享！同大家講下以下兩個要注意既地方啦！

1）搽唇膏要小心

因為牙箍同嘴唇好貼近，所以好容易將唇膏顏色黐上門牙位置，一笑既時候都會有啲尷尬🙈所以搽唇膏唔好搽到太貼近口腔，時不時都照鏡檢查下🤓

2）千祈唔好貪方便將牙箍包紙巾

我之前試過因為貪方便，喺餐廳將牙箍除落來用紙巾包住😭結果我就係唔記得拎，比侍應當垃圾丟左😩好彩我發現得早，跑返餐廳拎得返，自從果次後，每次除牙箍我都一定會乖乖放返喺牙盒到啦！

如果你地來緊會箍牙，記得留意啦！

【箍牙生活已經邁向一年了】

又係時候向大家報告一下我嘅箍牙情況！仲有一個月，我嘅隱適美透明牙箍就陪左我一年啦，生活已經習慣有佢嘅存在，冇左佢仲會唔舒服添

 之前因為自己唔乖成日除低牙箍戴唔足時間，令到牙箍開始同牙齒唔貼服，距離目標進度唔理想，比陳醫生警告，如果再唔乖就有機會要係美國隱適美總公司果邊重新訂造過啲牙箍，聽完我就好驚啦><因為我想快啲箍完呀，所以後來我就知驚，每日都有乖戴返足22小時，宜家個牙箍已經貼返晒牙齒趕上進度啦！唔信你睇下！貼到連帶左牙箍都唔多覺呀，我會繼續比心機，每日帶足22小時啦!

仲有提返大家，因為我剝左牙嘅關係，牙縫就會比較大，為左保持牙齒清潔，我每日都會用牙線棒，防止蛀牙，細細支即棄，好方便衛生!

望住牙齒一日一日改變真係好神奇

又係時候向大家報告一下我的箍牙情況！

已經帶左Invisalign都差唔多半年，對比半年前，牙齒已有些少變動，比大家睇下我箍左牙半年既效果啦，明顯見到下排原來重疊既牙已經移動左好多啦，而剝左牙的牙隙亦都細左好多，我會比心機再繼續努力帶足22小時以上！

日常生活同牙箍已經不能分割，日日都會早晚同佢用牙膏擦牙🙈

至於食野同飲野方面，為左避免牙箍會著色同藏有食物殘渣，所以我每次都會除牙箍，其實都已成習慣，不過我就因為懶得除而少食左零食，亦都少左飲有糖分既飲品，另外亦因為要確保自己可以一日帶足22個小時或以上，所以都唔希望成日除箍，而每次帶箍後，我都有乖乖聽陳醫生建議，咬粒「牙膠」，確保牙箍貼緊牙齒。

最近同啲朋友食飯佢地都會覺得我塊面瘦左，冇以前咁包包面，應該係因為需要長時間帶牙箍，而令我少左時間進食過多零食的效果吧！ 我來緊要再見陳醫生覆診，希望自己可以跟得上模擬圖的進度啦！