上次印完牙模大概等3星期就會有一個屬於我既3D圖啦!比大家可以見到我既before and
after! 真的差很多，有灰色粒粒代表係BEFORE，冇灰色係AFTER，會清楚見到上排牙齒會收入後多，我的V面指日可待!
睇完圖，confirm 醫生就可以即刻剝牙啦!!但我因為Annual Dinner所以就改左後幾日先啦，其實主要原因係我仲好驚>< 因為我唔係剝一兩隻，我講緊既係8隻! 冇錯係8隻呀! 4隻普通牙加4隻智慧齒， 所以我都係要儲一儲勇氣!
終於到左個日啦!我心情超矛盾，因為剝牙前會整走我一直好想唔要既牙石，同時又好驚痛/.\好啦!!大個女啦!!我要勇敢!
剝牙時醫生真係超溫柔，知我驚不斷安撫我，打麻醉針時護士姐姐會比隻手仔我捉住，我應該是捉到她也覺得痛吧!! 打麻醉針時的感覺其實沒有我想像中痛，只是打上顎時的感覺比較大!! 不過，剝牙大概用左20分鐘左右，其實是超快的，但係會聽到一啲”敲敲”的聲音，會有少少唔舒服既感覺，好彩我見醫生樣子是氣定神閒，好似不用力就KO我果8隻牙啦!!
話咁快就剝完啦，咁醫生就要我係診所休息半個鐘同等傷口止血，睇我仲自拍到就知道我冇唔舒服啦!
返到屋企都有野需要留意，例如唔可以大力潄口同食煎炸食物，因為驚刺激到傷口。咁我因為打既麻醉針比較多，所以我個嘴麻痺既感覺都會相對較長，所以飲水食野會麻煩啲，所以我回家就直接睡覺! 哈哈!!第二日我仲去左打邊爐:P所以我可以大聲話比人聽剝牙係唔痛既><過兩日就返診所搵陳醫生覆診同拎第一個牙箍啦!! 正常剝牙後要等三星期先有第一個牙箍，但因為醫生幫我較好schedule，令我可以剝完牙盡快上箍:P 超感動><
其實我唔講你都唔會知我已經戴左我既第一個牙箍啦!!哈哈!!係一啲都唔覺呀J 至於清潔方便都好簡單，早晚擦牙時用牙膏牙刷擦乾淨，平時食野除低，食完可以就去擦牙，唔得就用清水潄口都OK，所以是超方便的，加上我太懶唔想成日除箍，所以連零食都戒埋:)會瘦左:P
第一個牙箍會戴三個星期，一開始會有啲唔習慣，好似有舊野係度同講野會一舊舊，但過左兩個星期就習慣左啦! 三星期後要再搵醫生，要係牙面上裝啲白色粒粒，加強力度同加快療程進度。之後醫生會比4個牙箍我返屋企，每兩個星期自己換一個，兩個月後先再見醫生啦! 每次上箍都要咬一舊牙膠，而且戴第二個箍感覺會比第一個箍大很多，但我是超興奮的，因為會覺得進度又快一點!
講個秘密比你知啦，其實下面張相我已經係裝左粒粒上去牙面，係咪一啲都唔覺呢?因為粒粒同我既牙齒顏色基本上是一樣的，所以唔會咁易比人發現:P下次再同大家分享我既進度啦! :)
