望住牙齒一日一日改變真係好神奇

又係時候向大家報告一下我的箍牙情況！

已經帶左Invisalign都差唔多半年，對比半年前，牙齒已有些少變動，比大家睇下我箍左牙半年既效果啦，明顯見到下排原來重疊既牙已經移動左好多啦，而剝左牙的牙隙亦都細左好多，我會比心機再繼續努力帶足22小時以上！

日常生活同牙箍已經不能分割，日日都會早晚同佢用牙膏擦牙🙈

至於食野同飲野方面，為左避免牙箍會著色同藏有食物殘渣，所以我每次都會除牙箍，其實都已成習慣，不過我就因為懶得除而少食左零食，亦都少左飲有糖分既飲品，另外亦因為要確保自己可以一日帶足22個小時或以上，所以都唔希望成日除箍，而每次帶箍後，我都有乖乖聽陳醫生建議，咬粒「牙膠」，確保牙箍貼緊牙齒。

最近同啲朋友食飯佢地都會覺得我塊面瘦左，冇以前咁包包面，應該係因為需要長時間帶牙箍，而令我少左時間進食過多零食的效果吧！ 我來緊要再見陳醫生覆診，希望自己可以跟得上模擬圖的進度啦！